سوفتات حل مشكلة قناةART للرسيفر صن بلاص
منقول من الفيس بك
السلام عليكم جميعا حبايبي اخوتي و ابنائي أعضاء الجروب الكرام 😍🌹
أولا 🔥🔥🔥(((يجب قراءة البوست حتى آخر كلمه فيه باهتمام و تركيز شديد في كل خطوه و كلمه بعد اذنكم قبل طرح اي سؤال و علشان عدم اتباع الخطوات بالترتيب و بدقه ممكن يعمل مشكله لديك و ياريت تنسخ البوست عندك للرجوع اليه)))🔥🔥🔥:
نبدأ على بركة الله:
كما وعدناكم فاليوم موعدنا مع اتنين سوفتوير مش واحد:
🌟الأول خاص بالتحويل لجهاز ريد ڤيچين RED VISION P12
و ده لكل من يعاني من مشكلة توقف قنوات الART و يكون اهتمامه الشيرنج اللي يعمل معه بجودة و ثبات و لا يهتم بالاي بي و بسيرفر الاكستريم .
⚡️و السوفت الثاني هو سوفت التحويل لسيناتور ٩٩٩ بكافة الإضافات المذكورة في البوست السابق و الظاهرة بالصور .
الخطوات:
١-هتنزل الملف من موقع ميديا فاير المرفق في اللينك داخل البوست.
٢-هتفك ضغط الملف و اللي هتجد فيه عدد ٢ فايل
الاول عباره عن ٣ ملفات مرقمين من ١ الى ٣ .
و الثاني هو ٣ ملفات أيضا و هي سوفتات الرجوع لإمكان العودة لسوفتك الأصلي لو حبيت.
٣- هت اخد نسخه من السوفت بتعاك على فلاشه و تضعه في ملف منفصل (هاااام)
و كذلك اي اكواد سيرفرات تكون مشترك بها هتكتها عندك في ورقه خارجيه علشان لو تمسحت بعد تنزيل السوفت تقدر ترجعها.
ملحوظه هاااااامه جدااااا:👇👇👇👇
🔥 السوفت الاخير (سيناتور ٩٩٩) لا يدعم سيرفر الجوسات و انما بيدعم الناشير و الناشير برو و به صوتيات الفا و سيناتور مجانيه غير محددة المدة قد تظهر لك اذا كان جهازك اصلا سيناتور ٩٩٩ حتى لو كان محول لسوفت جهاز آخر و قد تظهر لك صوتيات مصنع داكي المجانيه بدلا منها اذا كان جهازك ليس سيناتور و قد لا تظهر بالمره و انا بأكد هنا ان موضوع الصوتيات ده غير مضمون بشكل مؤكد لانها محاني و بتتوقف على عوامل مختلفة لا دخل لنا بها لكن باقي الإضافات و الخصائص المذكورة بالسوفت مؤكده بإذن الله 🔥
كده احنا جاهزين لبدء التحويلات على بركة الله
٤ - هتاخد الملفات اللي فكيت الضغط عنها و تضعها على فلاشه و تضع الفلاشة في فتحة الUSB بالرسيفر
٥- ادخل على التحديث عن طريق الفلاشه و اذهب الى الملف الأول اللي باسم (سوفتات حل مشكلة ال ART) و نزل السوفت التمهيدي اللي في الملف رقم ١ و انتظر حتى يكتمل التنزيل و الجهاز يرستر و يفتح.
٦- ادخل الى الملف رقم ٢ و نزل السوفت اللي في ملف RED VISION و انتظر حتى يكتمل التنزيل و الجهاز يرستر و يفتح .
٧- نزل ملف القنوات اللي في الملف المرفق ثم عرف الاقمار على مداخل الدايزك اللي عندك 🔥(ما تنزلش لستة قنواتك لان هيبقى فيها نفس مشكلة ال art و هتبوظ اللي انت عملته)🔥 .
٨- ادخل على اعدادات النت و عرف الواي فاي بتاعك و ادخل الباسورد و انتظر حتى تحصل على رسالة نجاح الاتصال .
٩- تأكد من ان سيرفر الشيرنح لديك تم تفعيله.
١٠- اختار قمر النايل سات انجليزي اذهب الى قنوات الART و جرب و بأذن الله مبروك تم حل المشكلة استمتع بالمشاهدة بدون توقف لها.☺️💪
ملحوظه: 🔥🔥🔥 لا تحاول تنزيل ملف قنوات آخر و اي تعديل تحتاجه اعمله على نفس الملف اللي نزلته في الخطوة ٧ لان تنزيل اي ملفات قنوات اخرى قد يعيد المشكلة بتوقف الART مره تانيه الى ان يتم من جانبنا تجربة ملفات القنوات المتداوله للتأكد من عدم معاودة المشكلة في حالة تنزيل تلك الملفات على السوفت🔥 .
💯💯💯💯👇👇
طيب بالنسبه للي عايز يشتغل على سيرفر اكستريم و محتاج اكستريم مقسم يستوعب السيرفر بتاعه و الاستفاده من كافة الاضافات اللي في السوفت الجديد
يبقى هيروح للخطوة ١١
١١- نزل السوفت اللي في الملف رقم ٣ اللي باسم سوفت تكبير الأشاره و الإضافات .
ملحوظه هااااامه
🔥🔥🔥ما ينفعش تبدأ بالسوفت ده لازم تكون بالفعل اتبعت الخطوات السابقه و نزلت التمهيدي ثم سوفت الريد فيچين و بعدين سوفت السيناتور ده ينزل عليه🔥🔥🔥.
ملحوظه هاااامه و اهم ملحوظه لازم تعرفها اخيره
🔥🔥🔥السوفت بيحول ID الجهاز من 1507 الى e507 و ده id خاص بأجهزة السيناتور
و بالتالي في حالة انك حبيت لاي سبب ترجع لسوفتك الأصلي اللي كنت واخد منه نسخه في بداية عملك فلازم الأول تدخل على ملف (سوفتات الرجوع من e507) المرفق و تنزل ال ٣ سوفتات اللي فيه بالتتابع بنفس الترتيب رقم ١ ثم ٢ ثم ٣ وبعدها تلاقي رقم id جهازك عاد تأني الى ما كان عليه و بقى 1507 و هنا بس تقدر تنزل سوفتك الأصلي و جهازك يقبله🔥🔥🔥
اما لو كان جهازك بالفعل سيناتور ٩٩٩ القديم واي فاي خارجي فمش ستحتاج رجوع لان الid بتاعك هو نفس id السوفت e507
ارجوا ان اكون سببا في حل المشكلة للجميع و ان تسعدوا بالسوفيات اللي كلفتنا وقت و مجهود كبيير لإيجاد حل للمشكلة وجمع معظم الإضافة المطلوبة في سوفت واحد و يكفينا دعوة صالحه منكم في هذا الشهر الكريم بعد تجربة السوفت و الإفادة بحل المشكلة بعد التحويل لسوفت الريد ڤيچين فلا تبخلوا علينا بها، و الإفادة برأيكم بالإضافات و شكل السوفت الجميل بسوفت السيناتور اذا قمتم بتنزيله
تحياتي